El Lat

El-Lat (Erebki: اللات), yew Homay Erebıstane biya. Ae yewa hirê homanê Meka biya. Verê İslami Erebıstan de Homay bereket, qeder u qısmeti biya.^[1] Perestışgeo (mabed) tewr gırd ke namey ae sero vıraziyao, Taif de ca gırewtêne. Lat pê yew saleke (kerra gırde) pê çehar kınari motiyêne u dormey (çorşmey) xo de banê vıraziyao. No perestışge pê namey Kabe Taifi şınasiyêne.^[2] Siya siyae (saleka siyae, kerra siyae), demê verê İslami de Petra de sembolê Homae El-Lati biya.^[3]

Kudeyd, cao ke miyanê raya Meka u Medina dero, oca yew perestışge de siya siyae (kerra siyaye) ae motêne.^[4] Ae ke yew homanê sûka Meka biya, gorey bawerkerdışê şarê Meka, keyna Homay biya. Nebatıcê Petra zi ibadetê ae kerdêne. Nebatıcan ae zey Athena Yunane u Minevra Romae pê amardêne. Goey Wellhauseni inan bawer kerdêne ke Lat maya Hubale biya.

Kıtabê Putan ke pê destê Hişam bin el-Kalbi nusiyao, vaciyao ke Ereban fıkır kerdo ke ae zerrey Kabe de weşiya xo ramıtêne u coka yew putê ae vıraşto.

Namey ena Homae kıtabê mısılmanano firaz Qurane de zi vêreno. Sura Necmi de namey ae pê namey figura mitolociya Erebia bine, Homa bine El-Uzza piya vêreno:

"Şıma zi Lat u Uzza diyê, nê?"

"U ê hirêyın, Menat."^[5]

Ayeto dımayın de namey figura bine Menate zi piya amariyeno. Nuştanê verênan de vêşer triolociya Lat, Menat, Uzza ca gırewto u namey nê hirê Homay piya amariyao. Lat zey keyna Homay gırdi amariyaya. Hama vênayışo pêroyi oyo ke her yewa enê hirê Homan keynê Homay gırdi el-İlahi biy.

1. ↑ http://www.pantheon.org/articles/a/allat.html Archived 2007-05-18 at the Wayback Machine Smith, Anthony E., "Allat". Encyclopedia Mythica.
2. ↑ "Archive copy". Archived from the original on 2017-03-03. https://web.archive.org/web/20170303201844/https://issuu.com/sacittademir/docs/orhan_g__kdemir_-_din_ve_devrim. 
3. ↑ "Archive copy". Archived from the original on 2018-05-23. https://web.archive.org/web/20180523130233/https://www.mutlakbilim.com/harvard-uni-si-prof-gonul-tekinden-antik-mezopotamya-inanclari-ve-gunumuze-etkileri/. 
4. ↑ http://islam-watch.org/index.php?option=com_content&view=article&id=781:the-majestic-allah-6&catid=110:brokaan&Itemid=58
5. ↑ https://kuran.diyanet.gov.tr/tefsir/Necm-suresi/4803/19-30-ayet-tefsiri